Siglir tar il cuntegn

Battaporta 10 fatgs nunenconuschents davart masturbar

Il mais matg è il «International Masturbation Month». E bunamain mintgin da nus fa quai. Betg mo durant il mais matg. ;-) Motiv avunda per ina giada numnar 10 fatgs!

Adam ed Eva
Legenda: Adam, Eva e la tentaziun. Pixabay

1. Sin Wikipedia en l'artichel «Masturbation» pon ins leger chi deva pli baud culturas che pretendevan che masturbar saja insatge malnet, che quai donnegia e procuria per malsognas sco tuberculosa.

2. En il 18avel e 19avel tschientaner devi en l'Europa in moviment cunter la masturbaziun. Simon-Auguste Tissot, il link avra en ina nova fanestra, in autur svizzer da quel temp, ha cusseglià en il cudesch «Die Onanie. Abhandlung über Krankheiten durch Masturbation» metodas per evitar d’onanar.

3. Enfin ils onns 1980 valeva la masturbaziun er en la medischina sco malmadir ed ina furma anormala da la sexualitad. (Wikipedia)

4. Bun 25 onns pli tard è il cuntrari il cas: Sch'insatgi na masturbescha betg è quai in'excepziun. 90% dals umens e radund 80% da la dunnas onaneschan. Quellas cifras èn però da la Germania. En Svizra na datti nagina statistica quantas persunas che masturbeschan. Tenor il post da cussegliaziun per sexualitad adebar , il link avra en ina nova fanestrasajan quellas cifras però represchentativas era per la Svizra.

5. Nus umans n'essan betg ils unics che masturbeschan. Era animals , il link avra en ina nova fanestrasco chauns, vatgas, chavals, nursas, tschiervs, schimgias ed anc blers auters masturbeschan. Quai saveva era gia l’autur Hermann Rohleder che ha scrit quai en ses cudesch, il link avra en ina nova fanestra sur da la masturbaziun en l’onn 1902.

6. Igl è vegnì observà tar urs ch’els masturbeschan durant ch’els guardan auters urs che han sex. (Wikipedia)

7. La psicoterapeuta Christina Casanova Waser, il link avra en ina nova fanestra di che ord la vista psicologica promova la masturbaziun l’autonomia, il link avra en ina nova fanestra. Damai ins decida sez da far insatge bun per sasez.

8. Tar in orgassem vegn relaschà endorfin (l'uschenumnà ormon da fortuna) che va directamain en il sang. Ti es immediat happy! :D

9. 1% da la societad è asexuala, il link avra en ina nova fanestra. Quai munta ch'els n'han nagin desideri sexual. Il schurnalist d’economia Pere Estupinya scriva en ses cudesch «Sex. Die ganze Wahrheit» che las bleras persunas asexualas masturbeschan tuttina.

10. E vinavant, tenor Pere Estupinya: En ils Stadis Unids moran mintg’on circa 500 enfin 1'000 persunas pervi da manieras privlusas da masturbar.