2 atlets - 1 cumpetiziun

Giuliana Werro e Nico Salutt da Zernez sa participeschan ad ils gieus olimpics per giuvenils a Lillehammer in Norvegia dals 12 enfin 21 favrer 2016.

Set giuvnas e giuvens sportists dal Grischun sa participeschan als gieus olimpics per giuvenils a Lillehammer en Norvegia dals 12 enfin 21 favrer 2016. Dus dad els èn Giuliana Werro (16) e Nico Salutt (17). Curt avant la partenza a Lillehammer avain nus fatg ina visita ad ils dus atlets.

Gieus olimpics per giuvenils vs. gieus olimpics «normals»

Ils gieus olimpics per giuvenils o per englais Youth Olimpic Games (YOG) èn in zichel pli pitschens sco ils gieus olimpics «normals». Vul dir pli paucs dis e pli paucs atlets. Tschertas disciplinas na vegnan betg fatgas. Per exempel nudar sincron, balla en l’aua o slalom da canu. Ils participants ston esser tranter 14 e 18 onns.

Insatge spezial: I na dat betg bandieras naziunalas e durant la rangaziun na vegn betg sunà l’imni dal pajais dal victur. Il motiv: Il YOG na vul betg metter la concurrenza dals differents pajais en il center. Per ils atlets èn ils YOG però ina custaivla experientscha e forsa era ina buna preparaziun per ils dretgs gieus olimpics.

Dal rest han ils proxims gieus olimpics dal onn 2020 lieu en Svizra a Losanna.

Artitgel/s dal tema

  • 2 atlets - 1 cumpetiziun (Artitgel cuntegn video)

    2 atlets - 1 cumpetiziun

    Giuliana Werro e Nico Salutt sa participeschan als gieus olimpics per giuvenils. Avant la partenza avain nus visità els.

    11.2.2016

RTR/OG