CUPCAKES
Luar la tschigulatta en in bogn d’aua chauda. Lura sbatter il paintg e dar vitiers il zutger ed il mellen d’ov. Suenter avair sbattà la massa da paintg metter lien la tschigulatta.
Sbatter l’alv d’ov e lura maschadar tuttas ingredienzas. Metter tut en furmas da cupcake en furnel per ca. 17 minutas cun 160° aria circulanta.
COR DA SANG
Luar la glasura da turta sco inditgà sin il pac. Tagliar or dals cupcakes, che vessan dad esser in pau pli fraids, in pitschen toc e tegnair si quel per lura emplenir cun il «sang». Il toc taglià ora sco era quel endadens da la turtetta èn da glasar e sientar ch’il cupcake na tschitscha betg si il sang. Mixar las frajas cun in pau aua e colur da vivondas e far ina massa mez liquida. Emplenir las turtettas cun quella massa e lura serrar la rusna cun il toc che ti has speranza tegnì si.
GLASURA
Maschadar paintg cun zutger en pulvra enfin che la massa è clera e na cuntegna nagins cristals pli. Dar vitiers Philadelphia e truschar enfin ch'i n'ha nagins cristals pli. Metter en in satg da garnir e deponer quel en frestgera.
SPIERTS DA MERENGA
Sbattar l’alv d’ov e truschar vinavant durant agiuntar il zutger en trais purziuns. Cuntinuar intginas minutas enfin che la massa è ferma ed ariada. Squittar ils spierts sin ina lastra (palpiri da pergiamina!) e laschar sientar ils spierts per in’ura cun 100° en il furnel. Laschar sfradentar la merenga e suenter dissegnar las fatschas.