I vegn da cor.

Sidonia e ses accordeon.

Il pli gugent è Sidonia Caviezel sin tribuna. Ella ha grond plaschair da parter sia musica cun il public. E quai fa ella cun ses instrument da cor – igl accordeon.

Sper differents projects da musica fa Sidonia il studi da scolasta primara, lavura sco assistenta dil chor d’uffants a la scola da chant da Cuira ed ella dat lecziuns d’accordeon ella scola da musica Grischun Central. Ina massa da far, mo Sidonia fa quai cun cor ed olma. Ed era sche blers han pregiudizis viers l’accordeon e chattan quai musica da «hudigäggelers», emprova Sidonia da persvader els dal cuntrari.

Dapli dal tema