Ils pli giuvens
Durant la sonografia vegnan Sandra e Julian a savair ch'els spetgian dus uffants. Ina bella novitad per ils geniturs, ma spert vegni cler ch'i dettia cumplicaziuns. La mamma sto passentar bleras emnas avant la naschientscha en l'ospital, nua che Lian e Nevio naschan lura memia baud. Sut surveglianza medicinala passentan ils mattets las emprimas emnas da lur vita en in incubatur, avant ch'ils geniturs pon finalmain prender a chasa lur uffants. Oz han Lian e Nevio 5 onns.
Cumparegliaziun dals maletgs
Las duas soras: Medemas e differentas
A Vnà creschan ellas si, ensemen en armonia. Mona e Lena vulan esser medemas, quai che pertutga interess, vestgadira ed amis. Ma i vegn il temp cura ch'ina na less betg pli sa definir exnum tras e cun sia sora. Quai è il punct da partenza per las duas soras schumellinas da sa sviluppar individualmain. Tuttina èn ellas las meglras amitgas. Ma en il futur vegnan lur vias a sa parter, quai sveglia plaschair, ma er tema.
Cumparegliaziun dals maletgs
Il pass en la Bassa
Ellas han gia fatg il pass da viver lur atgna vita. Andrina è ida a star en la Bassa, Gianna è restada en l'Engiadina. Ma tuttina passentan ellas quasi mintga fin d'emna ensemen, nua che lur amis fan er savens part. Durant ch'ina giauda la nova vita en in nov conturn ha l'autra anc fadia cun questa situaziun.
Cumparegliaziun dals maletgs
Duas vitas – ina chasa
Ellas vivan en la medema chasa. Ma las vitas privatas mussan grondas differenzas: Sabina ha oz la vita da famiglia, ensemen cun ses um ed ils dus uffants, che fan or ina gronda part da sia vita. Simona giauda anc dad esser in pau pli libra e pudair ir a viagiar cun ses amitg.
Cumparegliaziun dals maletgs
Polizia e famiglia
Pli baud ensemen tar la guardia papala ed uss tar la Polizia chantunala: Bler han Peter e Pauli fatg communablamain. Cun maridar ed avair l'atgna famiglia ruschna quella lura en il center tar els. Ma er sur tut quels onns han Peter e Pauli tegnì contact ed han fatg lur aventuras. Els èn anc adina ina gronda pitga en la vita in da l'auter. E cun nagin auter sco cun il frar schumellin n'han ils dus Orliks las pli profundas discussiuns.
Cumparegliaziun dals maletgs
A pe sin visita
En il decurs da sia vita ha Anita gì grevas perditas. Mintga giada era la sora schumellina Lisabeth qua ed ha gidà tras quests temps. Uschia er avant sis onns, cura ch'il um d'Anita n'è betg pli turnà d'ina tura en las muntognas.
Anita visita regularmain Lisabeth e va perquai savens a pe, tge ch'ella giauda er enorm. Ina vita senza sia sora schumellina na po nagina dad ellas s'imaginar.
Cumparegliaziun dals maletgs
Schumellina suletta
Sur onns aveva Anna Casanova passentà mintga fin d'emna tar sia sora schumellina, era anc cur ch'ella era maridada. Dapi in mez onn è Anna dentant suletta e lascha encrescher per Alice. Ella è persvadida che sia sora gida da si là.
Tut las episodas da la seria «En duas fin la fin»
RTR Serias 25.02.2020