Ina YouTubera rumantscha dat gas!

Ina da las enconuschentas YouTuberas cun success da la Svizra è Nicole Mureddu alias Fashionpupa – ina rumantscha! :) Era sche ella discurra tudestg da scrittira en ils videos ed abitescha dapi 10 onns en il Tessin sper Lugano, ha ella ragischs rumantschas.

Il favrer 2012 ha ella mess online l’emprim video sin YouTube. Suenter quai e tut i magari svelt. Ella aveva pauca concurrenza in Svizra. Oz ha ella in agen online-shop per make-up ch’ella ha savì fabritgar si tras sia enconuschientscha tar YouTube. A nus raquinta ella sia via professiunala davent da lavurar sin banca enfin esser l’atgna scheffa.