Siglir tar il cuntegn

World Skills Istorgias dals World Skills

Tar uschè ina gronda occurrenza sco ils World Skills dat quai we ina u l’autra istorgia che capita dasper las concurrenzas. Mintga di rapportain nus da quellas en il radio e sin social media. E qua chattais vus la resumaziun da mintga di.

Di 5 – prim d’avust ad Abu Dhabi?

Cun surpraisa avain nus chattà in’ustaria visavi als World Skills cun decoraziun che lascha batter il cor da mintga Svizzer in zic pli aut. Ma pertge è quai decorà uschia?

Di 4 – Il sulet candidat dal Mexico

Fertant che la Svizra ha tramess 38 candidats ad Abu Dhabi vesa quai ora tut auter tar Mexico. Nus avain discurrì cun Jesus Abdiel Juarez Ortega e dumandà co ch'igl è da represchentar tut sulet in pajais.

Di 3 – Helicopters amez las hallas

Sch'ins va tras l'areal dals World Skills chattan ins chaussas da tutta sort, oz avain nus visità la professiun da «aircraft maintenance». Là stat il helicopter da la polizia dad Abu Dhabi e nus vulevan savair da la polizia sch'els na temian betg per lur heli.

Di 2 – la delegaziun Giapunaisa

Nus avain visità oz la delegaziun giapunaisa ed els na vulessan betg parter cun nus las medaglias d'aur. Ma els proponan in cumpromiss.

Di 1 – la calma avant la tempesta

Passa 100’000 aspectaturs spetgan ils organisaturs dals World Skills. Anc è plitost pauc liber en il center d’exposiziun. E perquai na datti anc betg bler da mussar u rapportar. Ma quai sa mida ils proxims dis en mintga cas, cunquai che la ceremonia d’avertura è questa saira e damaun cumenzan lura las concurrenzas.