Siglir tar il cuntegn

Battaporta Londra ha clamà

Sche la patria na dat betg quai ch’ins dovra e tschertga, lura ston ins prender ina decisiun – restar u ir. Per Romina, Simon e Fabio èsi stà la secunda opziun. Els en emigrà a Londra per realisar lur siemis. Ma far quai pass ed era pudair viver il siemi n’è betg adina uschè simpel.

Simon Walter

Per Simon eri gia cun 14 onns cler ch’el veglia esser ina part dals pli gronds musicals dal mund. E cunquai ch’el n’è betg in grond fan dals Stadis Unids da l’America na restava betg bler auter che Londra. Avant 4 onns è el pia emigrà en la citad dals musicals e ha cumenzà a lavurar. Al cumenzament en pitschens, pli tard lura en in dals pli gronds musicals da Londra. Mo tge far sche siemis van en vigur?

Legende: Video Londra ha clamà: Simon Walter abspielen. Laufzeit 04:32 Minuten.
Or da Battaporta dals 14.05.2018.

Romina Dietrich

Avant 5 onns ha Romina ristgà il pass en il intschert. A l’entschatta ha ella frequentà intgins mais en ina scola d’englais e ha lura cumenzà a guardar per in job ed ina abitaziun. In job ha ella chattà, ma betg sco artista da effects spezials, sco ella avess siemià, mabain en in biro. Tuttina po ella ussa viver ses siemi bler meglier che en Svizra.

Legende: Video Londra ha clamà: Romina Dietrich abspielen. Laufzeit 06:53 Minuten.
Or da Battaporta dals 14.05.2018.

Fabio Hendry

Sco product designer consista il mintgadi da Fabio ord sviluppar products. El tschertga novas furmas da producziun cun novs materials. Inspiraziun chatta el a Londra, là saja il ambient da lavurar ideals. Blers contacts professiunals sa basan en la citad englaisa ed uschia na sa el betg sch’el pudess era lavurar sco product designer en Svizra.

Legende: Video Londra ha clamà: Fabio Hendry abspielen. Laufzeit 05:04 Minuten.
Or da Battaporta dals 14.05.2018.