Siglir tar il cuntegn

Battaporta Lorena e la moda

L’absolventa da design da moda Lorena Projer ha la fin d’emna passada preschenta sia emprima collecziun. Quai a la Doing Fashion. Nus la vain accumpagnà durant il grond di.

Legende: Video Lorena e la moda abspielen. Laufzeit 10:12 Minuten.
Or da Battaporta dals 20.03.2017.

Sche Lorena Projer passa tras ses vitg da patria Alvaschagn, lura procura quai adina puspè per gronds egls. Ella è gugent creativa ed experimentescha tar la vestgadira. Oramai ha ina absolventa da design da moda era dad ir cun la moda.

Mitgel e Marioschla Sgrattan Sgraffits, il link avra en ina nova fanestra

Ein Beitrag geteilt von Lorena Projer (@lorenaprojer) am

La moda en vitgs muntagnards na correspunda dentant betg a quella da la gronda citad. En vitgs grischuns è per exempel la vestgadira da mecanist tschuf cumplettamain acceptà, vestgadira pli modern procura dentant adina puspè per discussiuns. Or da quel motiv ha Lorena Projer sco lavur da finiziun vulì cumbinar ils dus munds en sia collecziun. Il resultat ha ella ensemen cun ils auters absolvents preschentà la sonda saira a Basilea.

Sgrafits quintan dapli da las differentas rollas

Lorena Projer n’ha betg simplamain prendì in vestgì da lavur e cumbinà quel cun accessoris pli moderns. Ella ha vulì far quai cun in stil d’art tipic per noss vitgs. Ils sgrafits ch’ins conuscha da las fatschadas da chasa ha ella duvrà per quintar dapli davart las differentas rollas dals vestgids da lavur. Chavals, mieurs cun chaschiel u la rosetta tipica chattan uschè lur plazza sin ils vestgids. Ella vul cun quai era puspè dar dapli paisa a quest stil d’art.

RR actualitad 08:00