Mes Emprim Mais: Andrina Janki

L’avust cumenzan circa 1'250 emprendistas ed emprendists en il Grischun lur emprendissadi. In temp nua che bler sa mida. Ina che fa er quella midada è Andrina Janki da Sedrun.

Ella cumenza l’avust 2018 l’emprendissadi sco commerzianta tar la Banca chantunala. Durant l’entir avust accumpagnain nus ella tras ses emprim mais e tematisain quitads ch'ins ha, sch'ins cumenza insanua ina nova plazza. Per exempel avain nus tips per quels che emblidan svelt nums. La seria «Mes emprim mais» chattas ti sut rtr.ch/SwissSkills.