Tge è mobile payment?

Pagar senza raps?

Adina pli savens inscuntran ins en stizuns pussaivladads da pajar mobil, be pli cun il handy. Laschar a chasa la bursa e be pli duvrar raps electronics, quai è il futur.

En Svezia per exempel è quai gia realitad. Là è gia ina gronda part dals raps « reals » svanids dal mintgadi. Bleras stizuns na dovran betg pli raps reals.

La Svizra è dentant lunsch davent dad abolir tut ils raps. Tenor experts saja la politica anc betg pronta per quai. Purschidas sco Twint ni Paymint datti tuttina, e nus avain prendì quai mobile payment sut la marella.