240 francs per ina chascha postala

Persunas e firmas ston en l'avegnir pajar 240 francs, sch'els vulan avair ina chascha postala da la Posta svizra. Enfin oz era questa purschida gratuita. I dat però excepziuns.

Chaschas postalas a Savognin.
Legenda da maletgs: Las chaschas postalas sco qua en l'exempel da Savognin vegnan renovadas, suenter hai en tuttas era plaz per pachets. RTR, F. BELOTTI

Survegn in client da la posta en media almain 15 spediziuns adressadas (25 per clients novs) a l'emna, alura è la chascha postala era en l'avegnir gratuita. Sco quai che la Posta svizra ha ditg sin dumonda, nizzegian adina pli paucs ina chascha postala. Chaschas postalas na tutgian betg tar il provediment da basa, uschia ch'ina taxa per quest servetsch saja legala. La spediziun a l'adressa privata u da la firma resta vinavant gratuita. En lieus cun chaschas postalas veglias pitschnas, na vala la taxa betg anc.

Autur/a: RTR/fb/cl