Animals da chasa han fraid l'enviern

Chauns che portan mantels fan rir a divers e per auters è quai tut normal. Fallà n'èsi betg da cumprar in mantel per il meglier ami. Er auters animals da chasa han fraid l'enviern

Chaun cun mantelin.
Legenda da maletgs: Chaun cun mantelin. Keystone

Ir a spass cun il chaun l'enviern n'è betg bel, sch'i fa fraid. In mantel po dar chaud al chaun. Pantoflas n'èn percunter betg adattadas per proteger las pattas. Ina crema è meglra.

Er cunigls pon avair fraid en lur stalla. Quella èsi dad isolar bain, cura ch'i fa fraid la notg. Prender en chasa ils cunigls è però exagerà. Cun metter avunda strom e fain en la stalla e guardar ch'il vent na passa betg pli tras, han ils cunigls avunda chaud.

Giats decidan per il solit sez, sch'els vulan ir ora u betg l'enviern. Sch'els èn però dadora e na san betg pli entrar en chasa, lura ston ins guardar ch'il giat haja ina pussaivladad per spetgar en in lieu protegì dal vent.

Autur/a: Natalia Murtas