Assicuranza d'auto: Daco pajan umens dapli?

Umens pajan dapli per l'assicuranza d'autos. La raschun persuenter: Els custan er dapli.

Auto nair, destruìi totalmain
Legenda da maletgs: Tgi ha gì quest accident - um u dunna? KEYSTONE

Dunnas fan tenor Brigitte Buhmann, la directura dal post da consultaziun Svizzer per la prevenziun d'accidents bain dapli accidents che umens. Quels èn dentant pli levs e custan uschè er pli pauc. Uschia che dunnas custan a las segiradas pli pauc che umens. Quai sa mussa cunzunt tar automobilists giuvens. Entant ch'ina dunna da 20 onns paja en media 2700 francs ad onn per ina segirada da casco cumplaina, paja in um tuttina vegl en media 4100 francs ad onn. Quai è ina differenza da 1400 francs. Questa differenza vegn dentant pli pitschna cun la vegliadetgna e cun l'experientscha. Cun 35 onns na datti praticamain nagina differenza pli.

Autur/a: RTR/dh