Siglir tar il cuntegn

Header

audio
Sedia principala da la Banca Chantunala Grischuna a Cuira.
MAD
laschar ir. Durada: 3 minutas 44 Secundas.
cuntegn

Banca chantunala goes digital

Gia oz tutga la Banca Chantunala Grischuna tar las 20 interpresas las meglras digitalisadas en Svizra, quai tenor la Handelszeitung. La direcziun da la banca vul perquai er cuntinuar permanentamein la via per realisar l'uschènumnà «Digital Banking». Las investiziuns en quai muntan ils proxims quatter onns a radund 20 milliuns francs, di il directur da la banca cantunala, Alois Vinzens.

Per quest onn, sin mez da l'onn, è planisada ina nova plattafurma virtuala per cussegliar il client en il sectur d'investiziuns. Els veglian era investir en novs sistems da pajament uschia ch'il client na stoppia betg pli pajar cun daners bluts. Ed era la purschida per las uschènumnadas online-hipotecas vegni schlargiada, di Vinzens.

Pil client munta la digitalisaziun dentant er in zic dapli lavur ed el sto vegnir ordlunder, ni ditg cun ils pleds da la banca: avair ina tscherta affinitad per il mund digital. Gest quai saja magari anc in punct difficil en l'entir svilup digital, conceda Vinzens. Ozendi na dettia anc betg dapertut la savida, il know-how, necessari per pudair profitar da quests servetschs digitals che la banca porschia.

Dapli da «Co e cum»

Scrollar a sanestra Scrollar a dretga