Siglir tar il cuntegn

Header

audio
Cigarettas da mentol - in boom malsanadaivel
reuters
laschar ir. Durada: 2 minutas 15 Secundas.
cuntegn

Cigarettas da mentol

I vegn detg che questas cigarettas sajan pli nauschas per la sanadad che las normalas. Ma turna quai?

Dapi bundant sis onns è ella sin il martgà en Svizra: la cigaretta cun clic. In smatg sin il filter ed il gust ferm dal fim sa mida en in gust da menta, vaniglia u tschigulatta. Ma fan ellas propi pli dependent che autras cigarettas?

Tubac è malsanadaivel
Che tubac n'è betg gist saun per il corp è schon cler a blers. Cigarettas cun click u cun mentol ed auters gusts pon dentant esser anc pli malas. Tras ils aromas vegn il ferm gust dal tubac mascrà. Vul dir: Il fim vegn pli lom e pli agreabel. Mentol per exempel ha era in effect rinfrestgant e calmant. Tras quai han ins il sentiment, che la cigaretta na saja tuttina betg uschè mala per la sanadad. In tric psicologic.


Schlargiament dals pulmuns
Mentol, ma era vaniglia u il gust da maila ha in effect dilatativ sin il pulmun. Vul dir: Il pulmun sa schlargia ed il fim riva pli profund en las bronchias. Quai è quest lieu, nua che l'aria frestga vegn prendida si. Tras quai riva il fim pli spert en il sang ed en il tscharvè. Da la tratga enfin ch'il nicotin è en il tscharvè dura quai mo 7 secundas.


Dependenza
En general sa lascha dir: Pli spert ch'ina droga riva en il tscharvè, pli grond è il ristg da vegnir dependent dad ella. Ils gusts accelereschan il transport dal nicotin en il tscharvè. Da quest punct da vista fan questas cigarettas pli spert dependent che las autras. Quai mussan era ina retschertga americana (ministeri da sanadad FDA) ed ina retschertga tudestga (institut da perscrutaziun per cancer dal pulmun). Il pli grond privel resta però enavant la psica. Las cigarettas dattan il sentiment dad esser be pauc nuschaivlas, schebain ch'il cuntrari è il cas.

Reclama per cigarettas
En nos archiv avain nus chattà in'emissiun da l'onn 1974. Da quest temp eri anc lubì da far reclama cun cigarettas. Las firmas da cigarettas sponsuravan per part schizunt la reclama per concerts, sco quai ch'il film dal «Kassensturz» da l'emprim da mars 1974 mussa.

Dapli da «Co e cum»

Scrollar a sanestra Scrollar a dretga