Co e cum: Co spargnar daners tar l'assicuranza da l'auto

Ina assicuranza d'auto po custar ina massa daners. I dat però er chaussas ch'ins na dovra betg. Sch'ins ha in'assicuranza che correspunda a l'auto, po il possesur spargnar plirs tschients francs l'onn.

Legenda da maletgs: Keystone

Sco emprim ston ins decider tge ch'ins vul tut: Vul ins be il minimum cun l'assicuranza da responsabladad u vul ins ina da casco u tut tenor schizunt in'assicuranza da passagiers? Per lura sa decider per ina varianta èsi il meglier da congualar las differentas offertas. Sch'ins vul midar agentura ston ins visar l'assicuranza actuala, quai pon ins tut tenor far per la fin da l'onn u sch'ins ha in contract da plirs onns lura per la fin dal contract.

Autur/a: Natalia Murtas