Siglir tar il cuntegn

Header

audio
Co e cum? – Inscripziun d’automats vegn stritgada
Pixabay
laschar ir. Durada: 3 minutas 1 Secunda.
cuntegn

Co e cum? – Inscripziun d’automats vegn stritgada

Davent da l'emprim da favrer dastgan quels che fan l'examen d'ir cun auto cun in automat, directamain suenter era charrar cun in auto da midar girs. La restricziun ch'era fin uss en il permiss dad ir cun auto croda uschia. Vegn il traffic sin las vias tras quai pli privlus?

Che quels che han anc mai midà girs dastgan uss far quai automaticamain cun l'examen d'automats saja betg in grond risico per las vias, di Thomas Rohrbach, il manader da communicaziun da l'Uffizi federal da vias ASTRA. In che na saja anc mai charrà cun in auto cun accuplament, pia in auto da midar girs, vegnia er betg en il futur a pudair far quai senza scolaziun. I saja uss simplamain pussaivel da far quai privat e betg pli necessari da far in examen.

Plinavant possia quella nova lescha era uschiglio avair effects positivs: Cun la crudada da la restricziun vegnian autos ibrids ed autos electrics, ch'èn fitg savens autos automats, pli attractivs per las autoscolas ed uschia profiteschia era l'ambient.

Cla Schur, scolast d'ir cun auto ed instructur da segirtad tar Driving Graubünden, na manegia betg che las vias vegnian exnum pli privlusas. El menziunescha ch'i saja exact tuttina privlus, sch'insatgi giaja cun in automat che ha fatg l'examen cun in auto da midar girs.

Tant Thomas Rohrbach sco era Cla Schur accentueschan la responsabladad persunala che l'automobilist ha, da valitar sias atgnas capacitads – saja quai da charrar cun ina auto da midar girs ubain cun in automat.

Dapli da «Co e cum»

Scrollar a sanestra Scrollar a dretga