Co e cum : Liar ils uffants en l’auto

Metter en las tschintas da segirezza è in process fitg simpel. Dentant sche sezs d'uffants èn involvids po quai process esser cumplitgà.

Liar en uffants en l'auto
Legenda da maletgs: Liar en uffants en l'auto Keystone

Per che l'uffant e segirà gistamain datti plirs tips impurtants da suandar:
• Prender avunda temp per liar gist.
• Leger l'instrucziun da diever per il sez d'uffants e per l'auto.
• Liar la tschinta uschè ferm sco pussibel. La tschinta sto esser stretg tar il corp.
• Trair ora giaccas grossas u d'enviern avant liar en.
• Avair la gista grondezza dal sez. Il chau da l'uffant na dastga betg tanscher sur il sez ora, uschiglio dovra l'uffant in pli grond sez.
• Uffants fin 15 mais na dastgan mai esser liads en vischinanza da l'airbag. Els èn adina da segirar uschia ch'els na guardan betg en direcziun, en la quala l'auto va.
• Uffants èn da segirar fin 12 onns u fin la grondezza da 150 cm.

Autur/a: Anna Selina Quinter