Mintga uffant sa atgnamain che memia bler alcohol fa donn a la sanadad. Cunquai che l'alcohol è pli u main acceptà en nossa societad, èsi però grev da desister e betg mintgin è consequent.
Tuttina datti pussaivladads, co ch'ins po evitar u almain reducir il consum d'alcohol durant quest temp. La Crusch blaua dal Grischun declera, tge ch'ins pudess far:
- Per cumenzar, duess ins baiver ina bavronda senza alcohol per quietar la said.
- Emplenir il magiel da vin cun suc d'ivas u oranschas enstagl da vin. Il sentiment da baiver ord in magiel da vin dat tut in auter sentiment da baiver ed uschia resti tuttina festiv.
- Surprender responsabladad ordavant: Ir tar l'occurrenza cun auto ed esser pertschert, ch'ins turna er cun l'auto e quai senza memia bler alcohol en il sang.
- Betg baiver la gervosa or da la buttiglia, mabain or dal magiel. Uschia han ins ina meglra survista sur da ses consum.
- Organisar sez la festa e sa decider cunter bavrondas alcoholicas. Cun coctails da fritgs senza alcohol san ins savens far pli gronda impressiun als giasts che cun aua minerala e suc doranschas.