Co planisar la tura da skis? Agid da l'applicaziun «White-Risk»

Naiv è avant maun en l'entir chantun Grischun. Quai trai era blers sper pista per ir cun skis u cun aissa en la naiv entira. Dentant è qua alura er adina il privel da lavinas in tema. Per planisar il ir cun skis sper pistas po l'applicaziun «White Risk» esser nizzaivla.

L’applicaziun «White Risk» è accessibla per iOS ed Android.
Legenda da maletgs: L’applicaziun «White Risk» è accessibla per iOS ed Android. Keystone

Per planisar il ir cun skis sper pistas èsi da recumandar in curs da lavinas. L'applicaziun «White-Risk» na duess insumma betg remplazzar ils curs, mabain sulettamain esser in agid supplementar, simpel accessibel cun il handy. Quai di il manader da la campagna sport da naiv da la Suva, Samuli Aegerter. La Suva (assicuranza d'accidents) ed il SLF (Institut per perscrutaziun da naiv e lavinas) han uschia actualisà l'applicaziun sin quest enviern.

«White-Risk» è vegnì producì per tuts che vulan ir sper pistas en ils auts durant l'enviern. Per ina infurmescha la nova applicaziun cun il bulletin da lavinas davart las situaziun actuala en Svizra. Plinavant porscha l'applicaziun dentant er infurmaziuns supplementaras.

Ina funcziun fitg centrala da «White-Risk» è la funcziun TOUR. Là pon ins planisar tut las atgnas turas e crear uschia ina biblioteca, che rimna tut quellas turas ch'ins ha fatg. Cun la funcziun da GPS dal telefonin vesan ins er adina sin la carta Svizra, nua ch'ins sa chatta ed ha er automaticamain las datas da naiv e temperatura da la staziun da mesiraziun il pli datiers.

Dapli

Autur/a: Pietro Jacomet