Siglir tar il cuntegn

Header

audio
Per pudair giudair in bel gir èsi impurtant da preparar il töf per la stagiun.
KEYSTONE
laschar ir. Durada: 3 minutas 45 Secundas.
cuntegn

Co preparar il töf per la stagiun?

Ils dis vegnan pli lungs, il sulegl pli ferms ed ils töffists preparan lur maschinas. Avant che puspè dar gas e filar sur culms e vals duess ins resguardar intginas chaussas.

L'entschttatta da la stagiun da töf datti adina dapli accidents che la fin. Ils blers accidents succedan perquai ch'ils töffists han maschinas ch'èn be mez intactas u ch'els han memia pauca pratica dad ir cun töf. La ristga dad avair in accident u schizunt murir èn tar töffists 20 giadas pli aults che tar manischunz dad autos.

Pia, ina buna preparaziun è fitg impurtanta:

  • Avant mintga viadi controllar las rodas, ils frains, la glisch e la pressiun da l'aria dals pneus.
  • Il töf sto esser adattà al motociclist e duess haver la dretga altezza, la dretga paisa e tut tenor experientscha dapli u damain PS.
  • Ir cun il töf é in hobi. Duvrar il töf mo sch'il töffist sa senta corporal e spirtal bain.
  • Entschaiver en la stagiun patgific, evtentual trenar sin in areal cun avunda plaz.
  • Suenter l'enviern adina schar controllar la maschina d'ina garascha.
  • La dretga vestgadira è fetg impurtanta: Guants, stivals, chapellina e resti da schurmetg è in stuair!
  • Adina controllar che la cazzola funcziuna - ils automobilists vesan uschia meglier in töffist.

Dapli da «Co e cum»

Scrollar a sanestra Scrollar a dretga