Co sa decider per ina bun’ustaria

Ins è en in lieu, ch'ins n'enconuscha betg, il venter sbarbuglia, ins ha fom. Co chattins in bun restaurant? Natiralmain cun agid da l'internet. I dat dentant era intgins tips analogs.

Co chattar ina bun'ustaria
Legenda da maletgs: Co chattar ina bun'ustaria Pixabay

Tenor il cuschinier enconuschent Daniel Bumann chattins il meglier restaurant cun mirar sin la carta ch'è messa or. Quella carta chattins per solit en ina vitrina davant il restaurant. Tar in bun restaurant è quella netta, senza pulvra e n'ha naginas taila-filiens. Vinavant saja la carta actuala. Durant la primavaira na duess ins chattar nagin «Herbstsalat» sin quella.
Vinavant dess la carta dar ina bunimpressiun. Sbagls ortografics, paginas malnettas ni tratgas tras èn in nausch segn.
Quellas reglas n'èn natiralmain betg adina valaivlas, excepziuns datti adina.

Autur/a: Flurin Clalüna