Co sa durmentar bain?

Durmir è impurtant per la conzentraziun e la buna luna. Per durmir meglier datti ina u l'autra chaussa ch'ins po far durant l'entir di.

in pèrin en in letg
Legenda da maletgs: Ins po influenzar positivamain la sien cun diversas chaussas er durant il di. Keystone

Durant il di èsi meglier da betg durmir. Ils «power naps» disturban il ritmus da durmir. Meglier è far duront quest temp sport enstagl dal cupid. Suenter il sport duess ins spetgar tschintg uras fin ch'ins va a durmir. La saira fiss lura bun da regular la glisch. Sch'ins n'ha naginas glischs ch'ins sa regular lura cusseglian experts da stizzar las glischs dal palantschieu sura e duvrar glischs cun pe. Uschia senta il corp ch'i daventa notg e producescha hormons da sien. 

Er la stanza nua ch'ins dorma ha gronda influenza sin noss sa durmentar. La temperatura en la stanza na duess betg ir sur 21 grads e la stanza ha dad esser en urden. Dischurden procura adina per stress e cun stress na san ins betg durmir bain. 

Scha ins è lura en letg pon ins calmar l'orma cun dumbrar nursas. Er canera sa influenzar la sien. Cun tadlar radio u in podcast na sa conzentreschan ins betg pli sin la canera da via. 

Autur/a: Natalia Murtas