Co sa proteger da canera?

Tut tenor tge canera che distruba, èsi pli lev u ppi grev da sa proteger.

Canera aurala pon ins per exempel reducir cun pamirs.
Legenda da maletgs: Canera aurala pon ins per exempel reducir cun pamirs. Pixabay

Tar canera cun effect aural, sco tar concerts da rock, en ina fabrica u sin plazza aviatica san ins simplamain sa proteger cun pamirs u autras protecziuns d'udida. Sch'ins n'ha betg gist cun sai insatge specific cunter canera, san ins er simplamain ruclar ensemen in faziel da palpiri.

Ma er la canera cun effects betg aurals, damai la canera da l'ambient, sco traffic, ch'è forsa betg uschia dad auta sco tar in concert da rock po esser privlusa, pertge ella po chaschunar stress. Cunter quella èsi dentant pli grev da sa proteger. Ina pussaivladad en fanestra spezialas che retegnan la canera u paraids isoladas spezialmain cunter canera. L'Uffizi federal d'ambient (BAFU) è dentant mo parzialmain cuntent cun questas mesiras. Tenor l'uffizi fissi meglier da cumbatter la canera tar l'origin. Quai fiss per exempel pussaivel cun pneus spezials u cun adattar il tempo.

Autur/a: Nora Baltermia