Siglir tar il cuntegn

Header

audio
Radar mobil.
KEYSTONE
laschar ir. Durada: 3 minutas 14 Secundas.
cuntegn

Controllas da radar: I po vegnir char

Dapi ch'il pachet da mesiras da segirezza sin via sut il titel «Via Sicura» è en vigur èn apparats ch'averteschan da radars scumandads en Svizra. Tgi che vegn traplà cun in tal apparat, sto quintar cun ina multa severa.

Scumandads èn uschè bain apparats ch'averteschan da radars, funcziuns en il sistem da navigaziun u applicaziuns sin il telefonin. I n'è dentant betg mo scumandà da posseder tals, mabain era d'importar, far reclama, dar enavant, vender u surdar u surlaschar en in'autra moda tals apparats. Uschia statti scrit en la lescha federala davart il traffic sin via. Scumandà èsi dentant era d'avertir publicamain da radars, per exempel sin medias socialas.

Tgi che vegn traplà cun in apparat u sin las medias socialas vegn annunzià a la procura publica e sto far quint cun ina multa d'almain 150 francs per cas ligers, e fin 180 taxas per di à 3'000 francs per cas fitg grevs.

Ils radars da la polizia chantunala

La polizia chantunala fa controllas da radar en il rom da sia lavur quotidiana. A disposiziun ha ella per quai dus radars installads fix, in en il tunnel dal San Bernardino ed in a Roveredo, trais radars mobils e tranter 5 e 10 pistolas da radar. L'onn 2015 ha la polizia incassà 8 milliuns francs da multas cun ils radars, quai è dapli che la mesadad da tut las entradas tras multas.

Dapli da «Co e cum»

Scrollar a sanestra Scrollar a dretga