Cumprar oz – pajar damaun

Independentamain sch'ins discurra da leasing, pajar sin ratas ni prender si in credit pitschen: meglier è adina da cumprar pir cura ch'ins ha ensemen ils raps.

La roda d'in auto en ina butia d'autos.
Legenda da maletgs: Da cumprar è adina meglier che da far in leasing, cusseglia il cussegliader da debits. Keystone

Quai cusseglia Placi Degonda ch'è cussegliader da debits tar la Crusch Cotschna.

Il motiv è che tals custs fix pudessan manar ad ina crisa finanziala sch'insatge en la vita vess da sa midar. Sch'ins vess per exempel da perder la plazza, da gudagnar pli pauc ni gnir malsaun.

In'alternativa a leasing saja dentant da prender si in credit. Sch'insatge vess damai da sa midar pudess ins anc adina vender l'auto per pajar giu ina part dal credit. Cussegliar na cusseglia Degonda quai dentant betg.

Daners e co ir enturn cun els:

  • Far in budget n'è nagin striegn, gida dentant fitg per betg crudar en la trapla da debits.

    Co far in budget

    ***

    In pèr francs per mangiativas, in quint d'assicuranzas u las novas rodas da l'auto - avair la survista quants daners ch'ins dat ora mintga mais è pretensius.

Autur/a: Riccarda Müller