Cura dovr'i in guid da muntogna?

Viandar è en il trend. La bell'aura da questa stad ha carmalà blers en las muntognas dal Grischun. Ma san ins simplamain trair en ils chalzers ed ir sin la pizza? Cu èsi forsa pli prudent d'ir sin in piz cun in guid da muntogna?

Fotografia muntognas en Surselva.
Legenda da maletgs: I dependa fitg da l'experientscha e da las cumpetenzas individualas, sch'i è necessari da viandar cun guid da muntogna u betg. RTR, Pietro Jacomet

Tenor Rolf Sägesser dal Club Alpin Svizzer CAS fai senn da far ina tura cun in guid da muntogna cura che la ruta planisada surpassa las cumpetenzas individualas. I n'è dentant betg pussibel da mesirar quai exact. Blers facturs giogan qua ina rolla - per exempel la fitness, la planisaziun, l'organisaziun, la tecnica ed uschia enavant.

En general na duess'ins betg viandar persuls. I sappia era capità insatge cun il pli rutinà alpinist.