Siglir tar il cuntegn

Header

audio
Keystone
laschar ir. Durada: 2 minutas 57 Secundas.
cuntegn

Cura virolar cunter raischens?

Ils raischens èn quest onn fitg activs, activs sco anc mai. Uschè bleras infecziuns dal tscharvè tras raischens n'èn anc mai vegnì registradas. Quai, malgrad ch'els èn anc activs trais mais. Per evitar in'infecziun da la malsogna FSME pon ins dar ina virola.

Las duas malsognas FSME e boreliosa pon avair consequenzas gravantas per il carstgaun. Ellas chaschunan inflammaziuns da la paletscha dal tscharvè e dal sistem da la gnerva.
Virolar san ins dentant mo encunter ina - la FSME.
L'expert da zeccas, Werner Tischhauser, da la scola auta per scienzas applitgadas da Turitg, recumonda da laschar virolar.


I dat differentas cartas da la Svizra, nua che las regiuns periclitadas en marcadas cun cotschen.

Carta da zeccas

Quai che less dentant betg dir ch'i dat en las zonas alvas nagina ristga da vegnir murdì ed infectà da raischens.


Pervia da quai duessan tenor l'expert tuts quels sa laschar virolar che lavuran u ch'èn insumma savens giuadora, independent sch'ins stat en ina zona da ristg u betg. Ord quest motiv recumonda el da laschar virolar en il proxim temp, per ch'ins saja immun sin il proxim onn.

Dapli da «Co e cum»

Scrollar a sanestra Scrollar a dretga