Suenter il terratrembel a Nepal fan blers parents ed amis quitads per las persunas ch'èn en il territori da catastrofa. Èsi capità insatge u è tut en urden? Grazia a facebook e google èsi pli simpel da chattar infurmaziuns. Facebook porscha cun il «Safety Check» la pussaivladad da marcar sa sez u insatgi auter en segirtad. Quai funcziuna dentant be sch'ins è annunzià tar facebook. Google porscha cun il «Person Finder» la pussaivladad da tschertgar tenor num insatgi. Ins sto be ir sin ina pagina è simplamain dar en il num da la persuna ch'ins tschertga e sche quella ha annunzià là ch'i giaja bain cun ella, lura cumpara quai. Sche na, pon ins inditgar ch'ins tschertga la persuna e sch'insatgi ha infurmaziuns po el inditgar quai. E quai funcziuna er senza s'annunziar.
«En segirtad» cun Facebook e Google
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter