Evitar calculaturs da pretschs tendenzius

Anc in pèr dis han ins temp da midar la cassa da malsauns. Tgi che vul spargnar daners po simplamain congualar las premias da l'onn proxim sin paginas d'internet.

Legenda da maletgs: Keystone

Per tschertgar ina tala pagina, pon ins ir sur ina maschina da retschertga sco per exempel google. Tar ils resultats ch'ins survegn èsi però da star attent. Sch'ins clicca simplamain sin l'emprim resultat na vegnan ins betg sin la pagina uffiziala da la Confederaziun e pia betg sin ina pagina neutrala. E perquai èsi meglier dad ir cun il link direct sin la pagina da la Confederaziun per propi survegnir ina cumparegliaziun da premias independenta. Inoltrar infurmaziuns duess ins lura er pir, cura ch'ins è segir ch'ins è sin la pagina ch'ins vuleva.

Autur/a: Natalia Weber