Il temp da pollens è qua

En Svizra patescha var in milliun persunas da la strucca da fain. Ed il dumber crescha adina vinavant. Raschuns dettia quai differentas.

Dunna che sto sturnidar.
Legenda da maletgs: Cun la primavaira entschaiva era il temp da la strucca da fain. KEYSTONE

Raschuns per il creschament
Tenor Elvira Chekifi, experta d'allergias en la clinica alpina a Tavau, dettia quai pliras teorias per quai creschament.

  • Ina raschun chattian ins tar il sistem d'immunitad. Oz vivia il carstgaun - per regla - fitg schuber, uschia ch'il sistem d'immunitad haja fitg pauc lavur. Uschia haja il corp la «peda» da s'occupar da chaussas nunprivlusas – sco per exempel la strucca da fain.
  • In'autra raschun saja probabel era la polluziun da l'ambient. Entras la schletta aria vegnian ils pollens pli agressivs; quai spezialmain en las citads.

Da tge plantas u flurs vegnan ils pollens la primavaira?
Tut las plantas e flurs han pollens. Dentant n'èsi betg tut las plantas e flurs che chaschunan era strucca da fain.

Ils pollens che disturbian derivian spezialmain da plantas che vegnan derasadas dal vent, di Elvira Chekifi. Durant il temp da primavaira saja quai spezialmain plantas sco il badugn.

Flurs sco la margaritta han era pollens. Quai saja dentant pollens che na chaschunian betg la strucca da fain.

Autur/a: RTR/cl