La Viacard simplifitgescha il viadi tras l'Italia

Vials da pajar sin las autostradas da l'Italia.
Legenda da maletgs: Vials da pajar sin las autostradas da l'Italia. Dreamstime

Tgi che va magari en vacanzas en autras tiaras cun auto enconuscha quai; bunamain en mintga tiara datti in agen sistem da pajar taxas per l'autostrada. En Svizra è il sistem simpel, ins cumpra ina vignetta per 40 francs e sa cun quella ir l'entir onn sin tut las autostradas. En l'Italia per exempel, nua che blers van en vacanzas cun l'auto, è il sistem pli cumplitgà. Quai era perquai che las autostradas vegnan gestiunadas da differentas firmas. I dat ina carta, che simplifitgescha il viagiar tras l'Italia, la Viacard. Quella funcziunescha sco ina carta da prepaid. Ins po chargiar la carta cun 25.-, 50.- u 75.- Euros. Sin ils posts da pajar vegn la summa lura tratga giu dal dabun sin la carta.

Sin ils posts da pajar sin las autostradas datti adina divers vials. Colonnas datti il pli savens sin quels da pajar bar. Per la Viacard datti vials separats, uschia ch'ins po evitar da stuair spetgar en colonna.

Autur/a: RTR/td