Il sal po far donn a l'auto. Surtut sche la carossaria ha gia donns, lura po il sal svelt chaschunar anc dapli ruina. Era tar tocca sutvart da lauto po il sal chaschunar donns. La schliaziun po esser da lavar l'auto, dentant betg adina.
Schins parchescha l'auto per il solit endadens, lura èsi bun da lavar quel regularmain. Sch'il sal è numnadamain vid l'auto e la temperatura è in toc sur 0 grads, lura po il sal cumenzar a donnegiar la tocca da l'auto.
È lauto dentant bunamain adina ordavert, cusseglia Gieri Arpagaus da betg lavar l'auto. Sche l'auto è adina en il fraid, na vegn il sal betg activ. Vitiers pon ins evitar, ch'ils sfruschavaiders, la serra ni las gummas enturn las portas schelan, schi resta aua vid l'auto suenter il lavar. Sche tut la tocca vid l'auto è intacta, lura n'avess il sal betg da chaschunar donns. La primavaira pon ins lura puspè far ina nettegiada da radent.