Siglir tar il cuntegn

Header

audio
Mitus encunter la chalira
Keystone
laschar ir. Durada: 2 minutas 9 Secundas.
cuntegn

Mitus encunter la chalira

Il mitus e la chaliraCun la chalira vegnan era ils experts enturn mintga chantunada cun tips per far pli empernaivel las temperaturas.Tips che n'èn magari betg corrects:

Baiver aua fraida cun glatsch

Meglier na. Liquid fraid sfradenta bain lemprim mument – il corp dovra dentant puspè energia per stgaudar l'aua sin la temperatura dal corp, uschia chins survegn plitost chaud che fraid.

Baiver café nè betg prudent

Baiver café durant chaliras ha nagin effect negativ sin il corp, cunquai chel consista ord aua.

Bagnar il curtin la saira

Quai n'e betg optimal da bagnar las plantinas e verduras la saira.
Tut tenor poi esser che la feglia na setgenta betg dal tut sur notg e ch'i dat sfarinussa (Mehltau). Perquai èsi pli adattà da bagnar la bunura tranter las 6 e las 8.

Autos nairs èn pli chauds che alvs

Tenor TCS, sa stgauda il lac da lauto nair bain pli spert – l'intern da l'auto, sa stgauda dentant medem spert ed intensiv tar autos alvs, cotschens blaus u nairs.

Far la duscha cun aua fraida

Betg optimal. Laua fraida fa trair ensemen las avainas. Quai schoc da fraid procura per ina pli auta pressiun dal sang e procura pia ch'ins survegn pli chaud. Far la duscha cun aua tievia é ord quai motiv pli prudent.

Durmir senza resti

Dal tut senza resti na duessan ins betg durmir. Durant la notg na funcziuna la regulaziun da la temperatura dal cor betg sco en il modus alert. La temperatura dal corp prenda pia giu durant il durmir e tras il suaditsch pon ins pigliar fraid

Dapli da «Co e cum»

Scrollar a sanestra Scrollar a dretga