Naiv e traffic: Dai adatg!

Durant l'enviern datti tenor la statistica da la Polizia chantunala dapli accidents cun donns da material. Per ir pli segir cun l'auto datti dentant in pèr tips.

Auto cun naiv.
Legenda da maletgs: Co sa cuntegnair sin via, cura ch'igl ha naivì. Keystone

Sur notg naiva, la damaun n'è il fargun da naiv anc betg passà. Il pli impurtant è lura dad ir pli plaun cun l'auto. Ins na sa betg, tge ch'igl ha sut la naiv. Per mirar quant attent ch'ins sto star, pon ins far in curt stop sin via. Cun franar ves'ins, co che l'auto reagescha. Uschia pon ins adattar la maniera da manischar. Avant che franar, èsi dentant da mirar che nagin saja direct davos l'auto.

Vinavant: betg trair en giaccas grossas per ir cun lauto! La tschinta ademplescha lur funcziun mo, schella è uschè stretga tar il corp sco pussibel. Cun giaccas grossas è il ristg da sa ferir pli grond.

Autur/a: Flurin Clalüna