Pretschs dinamics: Co funcziuna quest sistem?

Carta da credit, mieur da computer e tastatura.
Legenda da maletgs: Per cumpras en l'internet vegn savens duvrà ina carta da credit. SRF

«Dynamic Pricing»
Ramassar datas ed adattar pretschs
Onlineshops han la pussaivladad d'adattar ils pretschs al singul consument. Ils shops ramassan datas individualas e persunalas e genereschan cun agid da quellas infurmaziuns ils pretschs per mintga consument in auter.


Pretschs dinamics
Per l'ina vegnan ils pretschs adattads a la dumonda ed a l'offerta. Pli grond che l'interess è per la medem'offerta e pli aut ch'ils pretschs vegnan. Per l'autra cun agid da datas individualas e persunalas da mintgin. Per exempel vegnan ramassadas datas sco il lieu geografic u da tge temp ch'ins guarda l'offerta. Or da quellas infurmaziuns datti in profil dal consument. Tut tenor tge profil ch'ins ha pajan ins lura dapli u damain per la medem'offerta.


Uschè poi dar chin consument che abitescha en in lieu bainstant, sco per exempel a Turitg sper il lai, paja dapli per la medem'offerta sco insatgi che stat en il Grischun en in vitget muntagnard. Intgins shops differenzieschan perfin sch'ins ha in computer da Microsoft u in dad Apple. Cun in iMac, in iPad u in iPhone pajan ins tut tenor dapli, perquai che persunas cun in product dad Apple han en media dapli raps.


En svizra n'è il sistem anc betg usità.

Autur/a: RTR/dh