Registrar chauns

Dapi l'onn 2007 ston ins registrar il chaun sin ina banca da datas.

chaun
Legenda da maletgs: Dapi il 2007 èsi obligatoric da registrar chauns, dapi quest onn cun ina nova banca da datas. amicus.ch

Varga ina mesa milliun chauns èn registrà sin quella. Dapi l'entschatta da l'onn 2016 datti per quai ina nova banca da datas: amicus.ch. Senza problems n'è il transfer da la veglia tar la nova banca da datas dentant betg ì. Quai haja cunzunt da far cun sbagls vegls che sajan stà sin l'emprima banca da datas. «Tscherts da quests sbagls han ins pir vis cura ch'ins ha integrà las datas sin la nova banca da datas» uschia vice-vetrinari chantunal dal Grischun, Giochen Bearth.
Da nov èn era las vischnancas integradas pli fitg en il sistem da registrar chauns. Las vischnancas ston emprim crear in account per ils possessurs da chauns ed il veterinari sa lura adattar il chaun tar quest account.

Autur/a: RTR/dh