Reglas veglias da traffic che na valan betg pli

Ils onns 60 han ins definì las reglas per colonnas da peduns. Quellas reglas han ins sin il nov onn stritgà.

Schuldada che marscha.
Legenda da maletgs: Per colonnas da peduns en furma da marschs da militar na ston ins betg pli far reglas spezialas. DREAMSTIME

Betg pli adattada al temp dad oz

«Da temp a temp ston ins far urden cun tut las reglas. Uschiglio han ins lura cun il temp in grond dischurden.» Uschia il pledader da la polizia chantunala grischuna, Daniel Zinsli. Era sch'i dat natiralmain colonnas da peduns en furma da marschs da militar ni prozessiuns, na ston ins betg pli far reglas spezialas per quai. Dapi quest onn valan simplamain las medemas reglas sco tar ils peduns normals. Vul dir sa tegnair vi da las reglas da traffic e betg metter en privel sa sez ni auters.

Autur/a: RTR/cl