Sche il sal maglia si la chadaina da velo

Il sal sin via attatga la chadaina dal velo. Perquai dovra quella durant l'enviern tgira speziala. Tgi che na vul betg investir temp e lavur sto cumprar baud u tard ina nova chadaina.

Chadaina da velo ch'è attatgada da ruina.
Legenda da maletgs: Chadaina da velo ch'è attatgada da ruina. RTR. G. M. Maissen

Sal – il inimi zuppà
Quest enviern eran las vias savens terren. Cunquai ch'i n'ha betg dà blera naiv han ins bler pudì duvrar il velo. Atgnamain flot. Dentant datti durant l'enviern in inimi zuppà sin las vias. Il sal. Quel è magari agressiv ed attatga la chadaina dal velo. Uschia han ins entaifer curt temp ina chadaina melnenta u schizunt cotschna.

Lavar e metter si ieli regularmain
Per evitar quai ston ins daventar activ e deliberar la chadaina dal sal cun ina spungia. Suenter metter si ieli frestg per che la chadaina ha puspè ina vetta da protecziun. Quai ston ins far mintga pèr emnas pervia che l'aua ed il sal fan che l'ieli va davent da la chadaina. Cun l'uder na duess ins dal rest betg lavar il velo. L'aua or da l'uder scumparta numnadamain mo l'aua e na schubregia betg.

Avais Vus in e-bike?:

Autur/a: RTR/gmm/dh