Sco stizzar datas privatas e sensiblas sin il computer?

Computer cun datas.
Legenda da maletgs: Sco stizzar datas privatas e sensiblas sin il computer? DREAMSTIME

Tgi che less vender u dismetter il computer vess da stizzar tut las datas privatas. La metoda la pli segira è da duvrar in program che surscriva las datas e schubregia la plattafurma. Il program per far quai è Disk Wipe, e quest program san ins telechargiar gratuit. Reconstruir las datas privatas e sensiblas sin il computer è cun la metoda da surscriver dentant betg pli pussaivel.

Tar il smartphone funcziuna la metoda da codar il meglier. Las datas vegnan codadas e senza la clav che vegn dismessa è betg pli pussaivel da reactivar las datas sin il smartphone.

Autur/a: RTR/td