Serafe – tge sa mida cun la nova «Billag»?

Da la Billag na vegnan ins en lonn 2019 betg pli ad udir bler. La contribuziun per radio e televisiun vegn da nov retratga da la societad d'aczias Serafe.

A partir dal 2019 incassescha Serafe las taxas da radio e televisiun.
Legenda da maletgs: A partir dal 2019 incassescha Serafe las taxas da radio e televisiun. Serafe

I vegn a dar inqual midada tar las novas taxas per radio e televisiun. Per l'ina sa mida taxa per las chasadas privatas. Mintga chasada paja danovamain 365 francs ad onn. Quai èn radund 100 francs pli pauc ch'anc lonn 2018. Medemamain pajan chasadas collectivas sco ina chasa da vegls danovamain ina contribuziun fixa da 730 francs. Era per las interpresas sa mida la calculaziun da la taxa. La contribuziun vegn calculada pertschientuala sin la svieuta totala da linterpresa.

Sulettamain persunas che retiran prestaziuns supplementaras sco lAVS e lAI e persunas che na possedan betg in telefonin, in computer, ina televisiun ed in radio na ston betg pajar la contribuziun.
Era nov è chins na sto betg pli sannunziar per pajar la contribuziun. La societad daczias Serafe survegn numnadamain las datas dals chantuns e trametta uschia directamain ils quints en las chasas.

Autur/a: Pietro Jacomet