Smilies da cuntentientscha

Adina dapli butias han tranter ils regals u a l'extrada in da quels apparats da 'happy or not'. Il client po smatgar sin in dals quatter smilies per dir sch'el è cuntent u betg.

Happy or not - l'apparat che mesira la cuntentientscha
Legenda da maletgs: Happy or not - l'apparat che mesira la cuntentientscha MAD

En Svizra datti da quests apparats per exempel tar Media Markt ni Migros. Er la stizun da mobiglias e decoraziun IKEA è dapi dus mais vid testar il sistem da 'happy or not' cun 7 apparats repartids sin las diversas partiziuns e l'ustaria. Il sistem da valitaziun duai era gidar d'optimar la planisaziun dals cussegliaders.
Radund 2'500 persunas en 98 pajais lavuran cun il sistem da valitaziun da 'happy or not', che deriva oriundamain da la Finlanda. Sper stizuns èn ils apparats era da chattar sin plazzas aviaticas, en tualettas publicas u tar staziuns da tren.

Autur/a: RTR, Ursin Lechmann