Strucca da fain: È l’acupunctura in’alternativa?

Purtret da Christina Wilhelm e ses um.
Legenda da maletgs: Christina Wilhelm e ses um. RTR, U. Lechmann

Enstagl da perlas e squittas, san ins era cumbatter l'allergia da pollens cun acupunctura. En in studi da la clinica universitara da Berlin han ins pudì gidar, cun l'acupunctura, 80 % dals 5000 pazients.

Era Christina Wilhelm è persvadida dal tractament tras l'acupunctura. Ella porscha en la pratica, ch'ella maina cun ses um ensemen, in tractament cumbinà cun ina cura d'ervas. Ha la strucca da fain gia cumenzà, pon ins cumbatter ils sintoms. Idealmain cumenzan ins dentant cun il tractament gia 1 - 4 emnas avant. Uschia pon ins evitar, ch'ils sintoms vegnan insumma.

Impurtant è tenor Christina Wilhelm dentant era il stil da viver. Tgi ch'ha per exempel bler stress, saja bler pli periclità dad esser allergics. Era il nutriment saja impurtants. I vala tenor ella da na betg consumar memia bler idrats carbonics e zutger. Sin charn na duajan ins betg desister, dentant betg mangiar memia bler. Persuenter bler verduras e frestgas, sche pussaivel biologicas u cumpradas direct dal pur.

Autur/a: RTR/td