Siglir tar il cuntegn

Header

audio
Keystone
laschar ir. Durada: 4 minutas 35 Secundas.
cuntegn

Studi mussa: I na saja mai memia tard da chalar da fimar

Schins chala da fimar sa sminuescha la ristga da survegnir cancer dal lom. Perscrutaders san ussa era pertge che quai è uschia.

Schins fima, inhaleschan ins ina massa substanzas toxicas. Quellas substanzas san midar la DNA da las cellas e crear mutaziuns. Las cellas mutadas san sa multiplitgar e chaschunar tumors.

Tgi che chala da fimar reducescha la ristga da survegnir cancer dal lom. Fin ussa nèsi betg dal tuttafatg stà sclerì daco che quai è uschia.

Cellas saunas protegian il lom

Ina gruppa da perscrutaders en la Gronda Britannia ha chattà il motiv pertge che la ristga da survegnir cancer sa reducescha schins chala da fimar. La perscrutaziun mussa chil lom donnegià sa revegn grazia ad ina gruppa da cellas saunas en il lom, numnadamain las cellas-tschep. Quellas produceschian cellas saunas e remplazzian las cellas donnegiadas. Schins chala da fimar sa meglierescha la productivitad da questas cellas. Las cellas-tschep sa protegian fitg bain dal fim toxic dina cigaretta e na daventan betg mutaziuns. Pertge che quai ès uschia, nè betg anc sclerì.

Era cun 80 onns sa revegn il lom

Las cellas-tschep èn resistentas e gidan al carstgaun lentira vita da sa regenerar. Era tar ils candidats pli vegls en la perscrutaziun han ils scienziads observà effects positivs grazia a la regeneraziun da las cellas-tschep.

Sulettamain intercurì 6 ex-fimaders

En il studi èn 16 persunas vegnidas intercuridas. Da quai eran 6 anteriurs fimaders e 3 fimaders. Uschia è il studi ord vista statistica anc sin chommas falombras.

Dapli da «Co e cum»

Scrollar a sanestra Scrollar a dretga