Tar il veterinari durant il temp da lavur

Sche geniturs ston ir cun l'uffant tar il medi pon els far quai er durant il temp da lavur. Quai na vala però betg be per uffants mabain era per animals.

Per ir en in chass urgent tar il veterinari, astga il collavuratur bandunar il plaz da lavur.

Ils possessurs d'animals èn tenor lescha obligads da procurar che lur animal na sto betg patir. Perquai sto el ir tar il veterinari cun l'animal blessà u malsaun sche quel patescha. Per ademplir quest duair è il patrun uschia obligà da dar liber al collavuratur. Il temp ch'il possessur da l'animal è tar il veterinari vala sco temp da lavur. Il collavuratur è però obligà da far in termin sche pussaivel durant il temp a l'ur u en il temp liber.

Era pertutgant sururas han ils possessurs d'animals tscherts dretgs. Spetgan la saira a chasa dus chauns da pudair ir giudadora suenter ch'els èn stads uras en ed uras or endadens, sto il possessur pudair ir a chasa per ir a spass cun els – era sch'il schef dumonda da far sururas. Han ins dentant in giat a chasa e quel ha avunda aua ed ina tualetta per far ses basegn èn las sururas supportablas.

Autur/a: Ursin Lechmann