Tge far sch'il pass vegn engulà?

Las vacanzas spetgan e curt avon ch'ins va a l'exteriur è il pass davent. Stoss jau uss star a chasa?

Avant ir en vacanzas controllar u laschar far in nov pass.
Legenda da maletgs: Avant ir en vacanzas controllar u laschar far in nov pass. Keystone

Il pass u la carta d'identitad èn davent e las vacanzas cudeschadas. Tut ils sgols èn reservads sco era hotels ed excursiuns. L'emprim pass è d'annunziar la perdita u l'enguladitsch a la polizia. Alura vegn scrit in protocol uffizial e deactivà il pass u la carta d'identitad.


Sin plazzas aviaticas ed en citads grondas datti biros spezials

Per cas urgents datti biros spezials nua ch'ins po laschar far in pass d'urgenza. Quels biros datti a Turitg sin la plazza aviatica, a Berna, Basilea e Genevra. Là pon ins per regla laschar tschentar ora in pass d'urgenza e sto uschia betg star a chasa. Ma tut quai custa naturalmain. Plinavant datti pajais che n'acceptan betg in tal pass d'urgenza.

Autur/a: Gionduri Maissen / Valeria Cavelti