Tge far sch'ins ha tancà fallà

Tenor il TCS vegn mintg'onn tar var 5000 autos tancà il sbaglià carburant. Lura pon ins be pli laschar pumpar or il tanc da l'auto.

Um che tanca carbunant.
Legenda da maletgs: Per evitar malempernaivladads èsi avantagius da guardar bain ed esser precaut avant il tancar! DREAMSTIME

En sasez avessi dad esser cler: in auto da diesel vartescha nagin benzin. Tuttina registrescha il TCS onn per onn 5000 tancadas falladas. Or dad ina situaziun speziala poi capitar a mintgin ch'ins sbaglia benzin cun diesel. Perquai adina guardar bain ed esser precaut avant il tancar per evitar la situaziun che po esser penibla e po er far mal a la bursa.

Ma tge pon ins far sch'ins ha tancà fallà?
Il garaschist cusseglia da laschar star l'auto al lieu ni per pli stumplar el davent dal tancadi e da clamar agid da la garascha u dal servetsch da panna. Silsuenter pon in be pli laschar pumpar or il tanc da l'auto. Quai tanscha en general.

Autur/a: RTR/cl