Tge far sch'ins n'auda betg pli uschè bain?

Aud jau mal? Quai è anc grev da dir. Ma per respunder quella dumonda datti in test.

Apparat d'udida.
Legenda da maletgs: Apparat d'udida. KEYSTONE

Ins po sa dumandar suandant:

  • Hai jau il sentiment ch'auters discurran malarticulà?
  • Stoss jau adina metter pli dad aut il radio u la televisiun?
  • Aud jau mal sch'i scalina vid l'isch u sch'il telefon scalina?
  • Vai jau miserias da chapir mes visavi en in restaurant?

Sch'ins respunda questas dumondas cun: «gea» è quai en scadin cas in indizi ed ins duess ir a far in test d'udida. Ed ins na duess betg spetgar memia ditg. Pli ditg ch'ins spetga e mender che quai po vegnir e pli grev ch'i vegn ad adattar l'apparat d'udida.

Autur/a: RTR/dh