Fin ils onns 1970 era il pign, il pignol pli derasà en las stivas svizras. Il pign ha però pers ses prestige, cura ch'il pign da Nordmann è vegnì en Svizra. L'avantatg da quel è ch'el resta pli lung bel e na perda betg immediat ils dascharins.
La varianta pli netta è il pignol da plastic. Però er il pignol da plastic ha dischavantatgs. La savur dal pignol manca ed er il pretsch è pli aut che quel d'in dretg pignol. Per in bel pignol da plastic ch'ha il parair dad in dretg, pajan ins svelt 100 francs.